பினாங்கின் கடலோர அரிப்பு குறித்து, நீர்ப்பாசன மற்றும் வடிகால் துறை (DID) தயாரித்த தொழில்நுட்ப அறிக்கையை பொதுமக்களுக்கு வெளியிடுக!

பினாங்கின் பத்து பெரிங்கி (Batu Ferringhi) மற்றும் தஞ்சோங் பூங்கா (Tanjung Bungah) பகுதிகளில் ஏற்பட்டுள்ள கடுமையான கடலோர அரிப்பு குறித்த அறிக்கையை, பினாங்கு மாநில அரசும் நீர்ப்பாசன மற்றும் வடிகால் துறையும் (DID) பொதுமக்களுக்கு வெளியிட வேண்டும் என்று ‘சஹாபாத் ஆலாம் மலேசியா’ (SAM) கோரிக்கை விடுக்கிறது.

இந்த அறிக்கையை வெளியிடுவது மிகவும் முக்கியம். அப்போதுதான் கடலோர அரிப்புக்கான காரணங்களையும், அதனைத் தடுக்க எடுக்கப்பட வேண்டிய நடவடிக்கைகளையும் அனைவரும் புரிந்துகொள்ள முடியும். குறிப்பாக, கடற்கரையை இழந்தவர்களும், சொத்து பாதிப்புக்கு உள்ளானவர்களும் உண்மையை அறிய இது உதவும்.

பினாங்கில் நடந்து வரும் பிரம்மாண்டமான நிலமீட்புப் பணிகளால் (reclamation works) பாதிப்பு இருக்கலாம் என சமூக அமைப்புகள் கவலை தெரிவிக்கின்றன. ஆனால், முறையான அறிவியல் பூர்வமான அறிக்கைகளை வெளியிடாமல், “இது இயற்கையான காரணங்களால் நடக்கிறது” என்று மாநில அரசு கூறுவது பொறுப்பற்ற செயலாகும்.

இந்த நிலமீட்புப் பணிகள் அலைகளின் இயக்கம், மணல் படிவு மற்றும் கடலோர அரிப்பு ஆகியவற்றில் எந்தப் பாதிப்பையும் ஏற்படுத்தவில்லை என்பதைத் தொழில்நுட்ப ரீதியாக நிரூபிக்க வேண்டும். வெளிப்படைத்தன்மை மற்றும் நல்லாட்சியை உறுதிப்படுத்த, சம்பந்தப்பட்ட துறையின் அறிக்கையை அரசு வெளியிட வேண்டும்.

SAM அமைப்பு மட்டுமல்லாமல், ஹோட்டல் உரிமையாளர்கள் மற்றும் தஞ்சோங் பூங்கா குடியிருப்போர் சங்கமும் இது குறித்து மிகுந்த கவலை தெரிவித்துள்ளனர். பொதுச் சொத்தான கடற்கரைகள் மறைந்து வருவதுடன், கடற்கரை ஓரத்தில் உள்ள கட்டிடங்களின் பாதுகாப்பு குறித்தும் அச்சம் எழுந்துள்ளது.

எங்களின் இந்தக் கோரிக்கையை மாநில அரசு ஏற்கும் என்று நம்புகிறோம்.

மீனாட்சி ராமன்
தலைவர்,
பூவுலகின் நண்பர்கள்
(SAM)
பத்திரிக்கைச் செய்தி : 30-01-2025